Hvar er réttlætið?

Ég er með hrúgu af erlendum lánum. Ég tók þau ekki af því að ég ætlaði að bruðla og kaupa mér fullt af flottum hlutum, heldur eru þetta bílalán og íbúðalán sem ég tók eftir mikla umhugsun. Ég er búin að hanga á bláþræði síðustu tvö ár, staðið í skilum og varla sofið á nóttunni út af þessum lánum. Til dæmis voru þær 5.9 milljónir sem ég lánaði út á íbúðina mína, núna 14 milljónir. Þegar ég heyrði loksins að þessi erlendu bílalán væru dæmd ólögleg, létti mér rosalega mikið því lánin á bílunum okkar eru langt yfir markaðsvirði. Ég missti vinnuna árið 2008 og reyndum við hjónin að klippa á allan munað- eins og að eiga tvo bíla. Og var það hægt? Neibbs, við urðum að gjöra svo vel að sitja uppi með bíl sem við áttum engan veginn efni á að eiga. Eftir langþráðan dóm og réttlæti sá ég ljósið á bakvið hæðina. Loksins!

Til gamans má geta þess sem sjaldan er rætt um, að fjármögnunarfyrirtækin hugsuðu í janúar 2008, að nú væri íslenska krónan að veikjast. Þau seldu því öll erlendu lánin sem þeir voru með og fengu íslenskar krónur! Já, þannig að ef einhver tók milljón íslenskar krónur í erlendum lánum sem  fjármögnunarfyrirtækið seldi svo fyrir ca milljón í janúar 2008, lánið hækkaði um 100% í október 2008, þá fengu fjármögnunarfyrirtækin 1milljón í hagnað af láninu, pjúra hagnað og lántakandinn sat uppi með 2 milljóna króna lán.

Og hvernig getur verið að almenningur þurfi á endanum að borga leiðréttinguna á lánunum eins og Gylfi Magnússon lét hafa eftir sér? Ég er ekki alveg að skilja þetta.

Annað með verðtryggðu íbúðalánin- vissir þú að búið er að afskrifa öll íbúðalán um 50%!! Jebb... Og hvers vegna í helv... er þá ekki hægt að lækka verðtryggð íbúðalán fyrst það er hvort sem er búið að afskrifa hluta þeirra?

Það síðasta sem mig langar að nefna er hvers vegna stjórnmálamenn þurfa að blanda sér í þetta, hvers vegna er ekki bara hægt að leyfa þessum dómi að standa og fara eftir settum reglum? Óskiljanlegt.

Viku eftir 17.júní langar mig næstum því til þess að gráta, ekki af gleði né reiði, heldur af sorg.

Taka stöðu gegn almenningi

Athugasemdir

[Kristján Loftur Bjarnason (IP-tala skráð) 23.6.2010 kl. 22:51]

MAFÍA ÍSLANDS

[Sigurður Haraldsson, 23.6.2010 kl. 23:50]

Inga stattu þig við skulum berjast það er ekki annað í stöðunni mættu við alþingi á morgun láttu heyra frá þér mælirinn er fullur!

[Inga Jessen, 23.6.2010 kl. 23:52]

Hvenær er mæting fyrir framan Alþingi?

[Dexter Morgan, 23.6.2010 kl. 23:56]

Þú spyrð "hvar er réttlætið", ekki er mér nú kunnugt um það hvar réttlætið "felur" sig þessa dagna, en það er í það minnsta ekki á íslandi, svo mikið er víst.

[Sigurður Haraldsson, 24.6.2010 kl. 01:18]

Inga það er ekki formlegt heldur vonast ég til að fólk geri það tími á því ætti að vera uppúr hádeigi um kl 12:30.

[S.R (IP-tala skráð) 24.6.2010 kl. 09:47]

Getur ráðherra talist hlutlaus og án hagsmunatengsla sem gegnt hefur störfum fyrir þær helstu stofnanir sem sváfu á verðinum í hruninu? Hefur Gylfi Magnússon einhverra hagsmuna að gæta? Það hefur alltaf snúist fyrir mér hvers vegna Gylfi var ráðinn til starfa sem viðskiptaráðherra vegna þeirra augljósu hagsmunatengsla sem hann hefur.

Gylfi Magnússon var:

Formaður viðskiptaskorar Háskóla Íslands 2000-2004

Forseti viðskipta- og hagfræðideildar Háskóla Íslands 2004-2007.

Formaður stjórnar sjóða á vegum Háskóla Íslands 2001–2009.

Hefur einnig sinnt ýmsum öðrum stjórnunarstörfum á vegum Háskóla Íslands.

Varaformaður stjórnar Kaupáss hf. 2000-2003.

Í stjórn Sjúkrahúsapóteksins 2001-2005.

Í stjórn Samtaka fjárfesta 2001-2007.

Í stjórn Eignarhaldsfélagsins Verðbréfaþings 2001 - 2007

Í stjórn Kauphallar Íslands 2005 - 2009

Í stjórn Verðbréfaskráningar Íslands 2004-2006.

Formaður stjórnar Samkeppniseftirlitsins 2005-2009.

Í úthlutunarnefnd útflutningsverðlauna forseta Íslands 2005 og 2006.

Formaður stjórnar Málræktarsjóðs 2006–2009.

Varamaður í yfirfasteignamatsnefnd 2007-2009.


Stendur Gylfi í veginum fyrir aðgerðum í þágu skuldsettra heimila?

Lilja Mósesdóttir segir Viðskiptaráðherra hafa staðið í vegi fyrir aðgerðum í þágu skuldsettra heimila segir formaður viðskiptanefndar sem harmar aðgerðarleysi stjórnvalda. Hún segir að samfélagið muni loga í lögsóknum ef einstaklingar verði látnir um að greiða úr ágreiningi. Það muni seinka endurreisninni.Lilja Mósesdóttir er formaður viðskiptanefndar, efnahags og skattanefndar. Hún sagði í viðtali í Bítinu á Bylgjunni á morgun að stjórnvöld yrðu að grípa til almennra aðgerða gegn skuldavanda íslenskra heimila. Dómar hæstaréttar í síðustu viku sýndu það. Hún segist óska þeim sem tóku þessi lán til hamingju með dómana en á sama tíma harmar hún aðgerðarleysi stjórnvalda sem hún segir að hafi staðið yfir í 18 mánuði með miklu hugarangri fyrir hlutaðeigandi. Lilja varar við því að ef einstaklingar verði látnir um um að leysa úr ágreiningi vegna myntkörfulánasamninga, verði Íslendingar á botni hagsveiflunnar í nokkur ár til viðbótar. Hér á landi muni allt loga í lögsóknum og endurreisnin dragast á langinn. Hún bendir á að Joseph Stieglitz og aðrir sérfræðingar hafi varað við því að forðast ætti að leysa skuldavanda heimilanna í gegnum dómstóla. Og hún gagnrýndi Gylfa Magnússon, efnahags- og viðskiptaráðherra fyrir aðgerðarleysi og sagði að hann hafi ekki síst staðið í vegi fyrir því að gripið yrði til almennra aðgerða til að taka á skuldavanda heimilanna. „Mér finnst hann þurfa að útskýra hvers vegna hann sér allt í einu ávinninginn af því að fólk fái leiðréttingu á þessari gengishækkun sem varð á skuldum, ávinning sem við vorum búin að margbenda á."

Hvað hefur breyst?

[Pétur (IP-tala skráð) 24.6.2010 kl. 11:23]

Smá leiðrétting Inga, Íbúðalánasjóður og lífeyrissjóðir sem eru með stóran hluta fasteignalána til einstaklinga í landinu hafa EKKI afskrifað 50% fasteignalána.  Það voru bara bankarnir sem við uppgjör við gömlu bankanna að gert var ráð fyrir miklum afskriftum fasteignalána og mest vegna lána til atvinnuhúsnæðis en ljóst er að stór hluti nýbygginga á því sviði mun standa ónotað um fyrirsjáanlega framtíð. 

Stórfelld niðurfærsla lána hjá Íbúðalánasjóði mun lenda á ríkissjóði þar sem Íbúðalánasjóður fjármagnar sig með lánum sem eru með ríkisábyrgð.  Niðurfærsla lána lífeyrissjóða mun að sjálfsögðu lenda á sjóðfélögum.  Fólk verður að átta sig á að ef skuld einhvers lækkar þá lækkar eign þess sem átti skuldina.

Það er vissulega ánægjuefni fyrir skuldara ef þeir þurfa ekki að greiða "raunvirði" skulda sinna tilbaka en það mun ekki gerast án afleiðinga.  Afleiðingarnar verða þær sömu og fyrir 1980 þ.e. gjaldþrota lífeyrissjóðir, sparnaður hverfur og aðgangur að lánsfé verður takmarkaður sem til lengri tíma litið mun minnka hagvöxt og atvinnu.

[Erla Magna Alexandersdóttir, 24.6.2010 kl. 13:18]

Það væri gott ef Gylfi og Petur Blöndal sæu þessi mál í rettu ljósi.

Þ.E  skuldir heimilanna eru ekki ÓRÁÐSIA heldur aðgerðir Bankaræningjanna og þeirra hjálparkokka.

Þeir ætla að hundsa dóm hæstarettar.

Við látum þá ekki komast upp með það.

kv.

EA

[Ybbar gogg (IP-tala skráð) 25.6.2010 kl. 22:04]

Hef eina spurningu til þeirra sem tóku gengistryggð ÍBÚÐAlán hjá bönkunum (er ekki að spyrja um bílalán, veit að ekki stóð margt til boða þar):

Hvers vegna í ósköpunum tókuð þið ekki lán hjá Íbúðalánasjóði? Lán hans hafa aldrei verið gengistryggð.

(Spyr einfaldlega vegna þess að sjálfur hef ég upplifað "gengissig í einu stökki" um 25%)

Skil þetta barasta ekki. Og verð sennilega aldrei nógu gamall til þess...

Voru það kannski loforð Framsóknarmanna um 90% lán (sem urðu 100% hjá bönkunum) sem freistuðu? Ef svo er, þá á hiklaust að svipta ykkur kosningaréttinum! Meina það!