I love you Stöð 2...

sextán dagar. Ég er farin að telja niður. Það eru 16 dagar þar til stöð 2 verður slútt á þessu heimili. Þetta eru hræðilegar fréttir þar sem ég hef verið þekkt fyrir mikinn fróðleik á sápuóperum nútímans. Ég á líklega ekki eftir að komast að því hvað verður úr sambandi Libbyar og Fritz í Grönnum, hvort Denny eigi eftir að hverfa úr huga Izzyar eða hvort Michael Scofield verði loks frjáls- eða hvort aðgerðin sem hann er að fara í, eigi eftir að heppnast. Þetta eru allt vinir mínir sem munu nú hverfa á braut eftir 16 daga.  Það er spurning að reyna að redda þáttunum - en það er bara ekki eins.

Þegar ég hringdi í Stöð 2 í byrjun desember, sagði ég upp áskriftinni með kökk í hálsinum, ég óska engum að þurfa að ganga í gegnum þennan harmleik.

Kannski verð ég bara að læra að prjóna- ein í myrkrinu, án vina minnas sem láta mig gleyma raunveruleikanum um stund. Snöft snöft...

Athugasemdir

[Bryndís (IP-tala skráð) 21.12.2008 kl. 14:44]

ææ, Inga mín, þetta er nú bara dáldið agalegt! 

Þú hefur hana þó allavega um jólin og í svartasta skammdeginu eeeen svo fer að birta og janúar tekur við með skíðum, sólbrúnku og hressileika!

[Jana (IP-tala skráð) 22.12.2008 kl. 08:52]

Mæli með www.ch131.com þ.e.a.s. ef þú segir ekki upp netinu líka.

Þar geturðu fylgst með öllum nýjustu þáttunum. Algjör snilld.

[Inga, 26.12.2008 kl. 17:03]

vá, þetta er frábær linkur- verst að maður getur bara horft í 72mínútur á dag- svo biðja þeir mann að borga. En það er kannski bara gott.