skóli

Líf mitt snýst þessa dagana um að sofa, borða, horfa á sjónvarpið og sofa. Heilinn minn er kominn í svokallað "standby" ástand og ég virðist ekki koma neinu í verk. Ég horfi á jólatréð og veit að það þarf að fara niður en fæ mig ekki til að gera neitt í því.

Nú hef ég ákveðið að setjast aftur á skólabekk til þess að koma heilanum í gang og nýta þennan mikla tíma sem ég hef. Þá hitti ég líka annað fólk en það sem er í sjónvarpinu eða í búðinni, þarf að rífa mig framúr á morgnana til að mæta í skólann og koma skipulagi á lífið. Hálft ár í háskólanum kostar 32.500 krónur en þar sem ég er í VR, munu þeir greiða helminginn af skólagjöldunum- þannig að þetta er næstum því gefins.

Athugasemdir

[Ragga (IP-tala skráð) 7.1.2009 kl. 21:12]

Mér líst vel á þetta hjá þér! Hvað ætlarðu að fara að læra? Það væri gaman að kíkja einhvern daginn saman í hádegismat, ég er yfirleitt laus.

[Inga, 8.1.2009 kl. 01:00]

ætla í master í Stjórnun og stefnumótun.. Tek bara eitt til tvö fög.. Líst vel á lunchinn.

[Ingigerður (IP-tala skráð) 8.1.2009 kl. 15:50]

Nú hélt þú færir í eitthvað allt annað... verkefnastjórnun?!  En þetta er einmitt það nám sem ég var að skoða en gat ekki tekið með vinnu (frekar kaldhæðnislegt núna;).

Hlakka til að vita hvernig þer finnst námið:)

Sjáumst.. já og gleðilegt ár :)

[Ragga (IP-tala skráð) 8.1.2009 kl. 23:31]

Ok hljómar vel! Stefnum á lunch í næstu viku, verðum í bandi :)