Bloggfærslur mánaðarins, desember 2008

föstudagur til (ekki)fjár

Ég náði ótrúlega góðum degi í gær- fór í ræktina í 1 og hálfan tíma og var svo bara heima að "dúlla" mér (sofa og horfa á dr.Phil). Ég eyddi engum pening og var mjög ánægð með mig... þangað til ég sótti strákinn á leikskólann. Það var rosalega mikil snjókoma og lélegt skyggni. Þegar ég bakkaði út úr stæðinu í rólegheitum, bakkaði ég á bíl. Frábært! Það fyrsta sem ég hugsaði var að drífa mig í burtu en þar sem ég vil sýna gott fordæmi fyrir börnunum mínum- ásamt því að vera rosalega heiðarleg, ákvað ég að hinkra eftir eigandanum. Ég bar mig mjög illa þegar hún kom. ég náði að smygla inn í umræðuna að ég væri atvinnulaus og ég væri mjög mjög leið yfir þessu. Konan sagði við mig að það væru hvort sem er nokkrar rispur þarna, þannig að þetta skipti engu máli. Sjúkket maður! Það sást ekkert á hinum bílnum- enda blindhríð. Stundum getur maður verið heppinn Smile

komdu þér í form!!

Ég var að fletta VR blaðinu því ég fæ það ennþá, og þar var alveg ótrúlega gott tilboð fyrir atvinnulausa.

Það er hægt að fá kort í Hreyfingu, World Class eða Sporthúsinu á 2000 krónur á mánuði og maður má mæta frá 8-11 og 14-16 á daginn. Það þarf að hafa samband við VR vegna þessa. Ég tel þetta ótrúlega flott hjá VR að redda þessu!

Sjáumst í ræktinni :)

gym

ég eftir nokkra mánuði...


Sparnaðarráðssaga nr.1

Ég hitti vinkonu mína í dag, bað hana að koma að sækja mig þar sem ég væri ekki á nöglum. Við kíktum niður í bæ og bara skoðuðum. Vá! Ég vissi ekki að það væri hægt, aldrei prófað það. Galdurinn liggur í að taka bara smá pening með fyrir neyðartilvik. Þá eyðir maður engu. 

Áður en hún kom að sækja mig, fann ég stimpilkort frá Culiacan þar sem ég átti eina fría máltíð inni- það vantaði bara einn stimpil á kortið. Ég stakk því lúmskt upp á því við hana að kíkja þangað í lunch og við myndum deila frímáltíðinni þannig að ég endaði á því að borga aðeins 445 krónur fyrir máltíð með gosi og alles!

dragon_unemployed


« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband